Колледж «Әділет»

Бүгінгі күні еңбек нарығында тек мамандар ғана емес, креативті ойлайтын, заманауи өндіріс жағдайында өзінің кәсіби қызметін тез қайта құруға қабілетті, жағдайды талдауға және оқиғалардың дамуын болжауға қабілетті өз кәсібінің көшбасшылары сұранысқа ие. Осындай мамандарды көп жылдар бойы Каспий қоғамдық университетінің «Әділет» колледжі даярлауда. «Әділет» колледжі-1997 жылы Каспий қоғамдық университеті мекемесінің құрылымдық бөлімшесі ретінде құрылған. Бастапқыда ол заңгерлерді дайындаған бір бейінді оқу орны болды (мамандығы — «Құқықтану»). Уақыт өте келе осы мамандыққа «Есеп және аудит», «Есептеу техникасы және бағдарламалық қамтамасыз ету», «Менеджмент», «қонақ үй шаруашылықтарына қызмет көрсетуді ұйымдастыру»сияқты басқа да мамандықтар қосылды.