2025 жылдың 3 наурызында Алматы сервис және технологиялар колледжі базасында EuroSkills Herning 2025 халықаралық чемпионатына Қазақстан Республикасының Ұлттық құрамасына іріктеу байқауы өтті. Байқау тапсырмасы 5 модульден тұрды, сонымен қатар қатысушылар ағылшын тілін жақсы меңгергенін көрсетуі қажет болды. Жеті қатысушының ішінде ең жоғары нәтиже – 93,86 балл жинаған колледж студенті Сағындық Жанель көрсетті. Айта кету керек, Жанель 2024 жылы өткен WorldSkills Lyon халықаралық чемпионатына қатысып, шеберлік белгісімен марапатталған. Біз Жанельмен мақтанамыз және оған жаңа жетістіктер мен жеңістер тілейміз!
